PUBLIC HEARINGS SA PAGHIMONG ECONOMIC ENTERPRISE SA MGA PUBLIKONG HOSPITAL SA MISAMIS OCCIDENTAL, GISUGDAN NA COMMITTEE ON HEALTH SA SANGGUNIANG PANLA

Nagsugod na ang public hearing sa committee on health sa sangguniang panlalawigan sa proposal sa provincial government nga himoong economic enterprise ang misamis occidental provincial hospital ug ang upat ka laing hospital sa gobyerno sa misamis occidental.

Ang unang public hearing, nga gi-held sa function hall sa kapitolyo gahapon, gitambongan sa mga opisyal sa moph, calamba district hospital, jimenez medicare community hospital, tudela district hospital, ug sa doña maria d. Tan memorial hospital sa tangub city; ug sa mga chairman sa committee on health sa sanggunian sa mga lungsod ug siyudad sa probinsya.

Wala pay klaro ang sangpotanan sa gustong mahitabo ni governor leo ocampos kay mao pa may pagsugod sa proseso, pero karon pa lang gisupla na ni board member edilma bulawin, ang chairman sa committee on health sa provincial board, ang pagtuo sa uban nga mahulog nag negosyo ang serbisyong panglawas kung mahimo nang economic enterprise ang mga publikong hospital dinhi sa ato.

Gipasabot ni bulawin nga tuyo sa provincial government sa paghimo sa provincial hospital ug sa ubang mga government hospital sa misamis occidental nga economic enterprise aron lagi mokita sila pinaagi sa pagpabayad ug sakto sa mga pasyenti nga maka-afford, ug sa paghatag ug discount sa dili tantong maka-afford aron sa ingon makabarog sila sa ilang kaugalingon, dili kay magsalig lang permi sa panudlanan sa kapitolyo.

Sa economic enterprise, hatagan ug gahom ang management sa pagpadagan sa ilang hospital, sa paghimo ug plano kung unsaon sa pagpa-improve sa ilang serbisyo, sa pagpamalit ug mga kahimanan, tambal, medical ug office supplies nga dili na moagi sa kapitolyo aron mahatag dayon ang mga serbisyo nga gikinahanglan sa katawhan, ug sa paghatag sa mga empleyado sa mga benepisyo nga gimando sa magna carta for health workers.