MGA PROYEKTO SA PLARIDEL NGA GI-DESIGN ARON PAGHIMO NIINI UG SIYUDAD KARONG 2020 NAKAABANTE NA

Nakaabante na ang lungsod sa plaridel sa ilang pagpatuman sa mga nag-una nilang prayoridad nga mga proyekto alang sa ilang pagpangandam nga himoong siyudad ang ilang lungsod onse ka tuig gikan karon.

Nag-una sa ilang listahan ang pag-improve sa fish port ug modernization sa ilang pantalan nga nga gipalaparan sa philippine ports authority; rehabilitation ug paghimo ug mga bag-ong farm-to-market road; ug modernong integrated jeepney and bus terminal.

Ang p15-million bus terminal sa plaridel nga matud pa lagi ni vice mayor villanueva mga otsenta porsento humana, pinaka-guwapo sa misamis occidental ug lagmit sa region 10 inig-kahuman puhon. Gawas nga terminal kini, butangan sad sa department of agriculture ang terminal ug usa ka bagsakan center nga abotanan sa mga produkto gikan sa bukid nga ibaligya ug bulto.

Gidugang sad ni acting mayor agnes villanueva nga nahuman na ang phase one sa modernization project sailang pantalan nga nagkantidad ug p 60 million ug aprobado na sad ang pundo nga p 68 million para sa second phase nga dugang expansion ug pag-reclaim sa mga yuta sa palibot nga dunay mga balay kay i-apil man ang plaridel port sa nautical highway program ni presidente macapagal arroyo.

80 percent completed na sad ang shore protection seawall gani naganit na kini ug nakatabang na sa mga sa mga residente daplin sa baybay labi na karong panahonan nga kusog ang balud tungod sa hanging amihan. dili lang basta sagang sa tubig tungod sa pagtaas sa dagat sa hanging amihan ang sea wall, kundili boulevard nga ma-agian ug sakyanan puhon kung mahimo nang siyudad ang plaridel.